ПОЛИХРОНО е едно од најатрактивните туристички места на првиот крак на Халкидики – Касандра, сместено 98 км југоисточно од Солун, во живописниот залив Торонеос. Познато по својата неверојатна песочна плажа долга 7 километри со кристално чиста, плитка вода, ова место е идеално за семеен одмор и безброј водни активности. Опкружено со бујна медитеранска природа и убаво уредено осветлено шеталиште покрај морето Полихроно нуди мирна, но раздвижена атмосфера исполнета со ресторани, таверни, кафулиња, продавници и комплетно сите потреби за туристите. Благодарение на одличната локација, Полихроно е идеална точка за истражување на блиските места како Ханиоти, Криопиги, Калитеа, Афитос, Пефкохори, Паљури итн.
Куќа “La Casa Apartments 2” се наоѓа во централниот дел на Полихроно, лоцирана во мирна уличка на 200 метри од песочната плажа. Во непосредна близина се наоѓаат ресторани, таверни, кафулиња, маркети, пекари, аптека и продавници. Идеален избор за патници кои сакаат да бидат блиску до плажа и до центарот на Полихроно.
Располагаме со две четворокреветни студија на ниско приземје. Се работи за нови студија кои се во употреба од јули 2026. Секое студио располага со опремена мини кујна со сите потребни елементи, фрижидер, микробранова печка, индукциска плотна за готвење, кујнски прибор,ТВ, и сопствени тоалети. Wi-Fi, клима уредот и сет пешкири се вклучени во цената. Туристичката такса се плаќа во агенција при уплата и истата изнесува 2 евра на ден по апартман. Студијата имаат сопствени тераси и одличен нов мебел. Куќата не располага со сопствен паркинг. Гостите имаат можност да ги паркираат своите возила на самата улица или на јавниот бесплатен паркинг во Полихроно, како и на околните улици на местата каде што паркирањето е дозволено.