Мадрид и Барселона 20.11.2026
20.11.2026
Период на патување 05 - 09.03.2027/ 5 дена
Поминете го 8-ми Март во еден од најубавите градови на Егејскиот брег и уживајте во комбинација од историја, култура и медитеранска атмосфера.
Ќе уживаме во „турскиот град на море“ — град кој има илјадници години историја, базари, антички локалитети и одлична храна, а ќе ги посетиме и уживаме во мистичниот Ефес - еден од најзначајните антички градови со најдобро зачуваните римски градби, ќе си замислиме најскрени желби во Куќата на Дева Марија, ќе пиеме кафе во живописното гратче Алачати, меѓу малите улички од калдрма, украсени со многу цвеќе и на крај ќе дегустираме вино во најубавата Винарија со величествен поглед.
Сместување: 4 ноќевања со појадок во хотел 4★ – во центар на Измир
Цена: 499 € по лице / 30.940 мкд
ЗА ПРВИТЕ 6 ПРИЈАВЕНИ ЛИЦА – ВКЛУЧЕНА Е ПАНОРАМСКА ПЕШАЧКА ТУРА ИЗМИР
Прв ден: 05.03.2027 (петок)
Состанок на групата на аеродромот во Скопје во 08:30 часот. Полетување за Измир со директен лет во 10:45 часот и слетување во 14:00 часот локално време. Трансфер од аеродромот до хотелот и сместување.
Слободно време за прошетка по приморската улица – Алеа Kордон, шеталиштето покрај Егејското Море, кое особено е убаво пред зајдисонце, каде локалните жители често седат покрај морето или во кафулињата. Уживање и во прекрасното пристаниште Konak Pier каде има прекрасни ресторани. Двете локации се познати по ноќниот живот. Ноќевање.
Втор ден: 06.03.2027 (сабота)
Појадок. По појадокот можност за факултативна пешачка тура со разглед на Измир – градот каде Европа се пресретнува со турската традиција и култура и кој изобилува со бои, мириси и вкусови, посета на Кordonboyu заливот, пристаниште на Измир и посета на Отоманската саат кула и Кемералти Базар, најраздвижениот и шаренолик дел на градот. Измир има историја од повеќе илјади години, а денешниот центар е буквално изграден врз слоеви од различни цивилизации. Најпознат е по часовникот на Конак од 1901 година и се наоѓа на самиот плоштад Конак како и историскиот лифт (Asansör) е изграден за да поврзува два дела од градот на различна височина и денес е одлично место за поглед кон заливот.
Слободно време за индивидуални активности. Ноќевање.
Трет ден: 07.03.2027 (недела)
Појадок. После доручек состанок на групата и факултативно заминување кон Чешме, атрактивното и светски познатото летувалиште кое е најзападниот приморски град во Турција и се наоѓа веднаш спроти грчкиот остров Иос. Името значи „чешма“ или „фонтанa“. Се смета дека градот го добил името по бројните извори и чешми од кои морнарите некогаш земале свежа вода. Посета на марината во Чешме и посета на замокот на Чешме - Чешме Калеси била изградена во 1508 година, во времето на султанот Бајазит II. Денес е еден од симболите на градот. Слободно време за ручек или за кафе на познатата улица Дарио Морено.
Ја продолжуваме нашата тура кон волшебното, недопрено градче Алачати или таканаречен “скриениот скапоцен камен на Турција”. Алачати е еден од најубавите традиционални градови во Турција. Градот изобилува со камени куќи обоени во пастелни бои, живописни тесни улички од калдрма украсени со многу цвеќе и орнаменти и ресторани со поставени маси низ тесните улици. Градот е познат и по ветерниците, прекрасните песочни плажи, бутик хотелите и луксузните ресорти. Кратка пешачка градска тура со посета на Пазариери џамија во која сеуште постои олтарот на црквата Свети Константин која веднаш после прогласување на републиката била претворена во џамија. Време за индивидуални активности, пиење кафе, шопинг или едноставно - време за уживање.
На враќање застануваме да дегистораме вино во прекрасната Винарија URLA - локална винаријa, каде ќе уживаме во дегустација на вина со стручен водич. Дегустацијата вообичаено опфаќа неколку локално произведени вина, придружени со информации за лозјето, производството на вино и локалната винска култура во регионот Урла.
Враќање кон хотелот. Слободно време за индивидуални активности. Ноќевање.
Четврти ден: 08.03.2027 (понеделник)
Појадок. По појадокот можност за факултативна екскурзија на ЕФЕС И КУЌАТА НА БОГОРОДИЦА. Ефес, трет по големина град во времето на Римската Империја, кој порано бил најзначаен трговски центар во медитеранскиот регион. Антички Ефес – легенда за Грците и Римјаните, најголемото поле со урнатини во светот, сместено под врвот Пион и Булбулдаа, во близина на третото светско чудо – Храмот на Артемида – најголемиот музеј под отворено небо во модерна Западна Турција, едно од седумте чуда на Стариот век. Од храмот денес се зачувани само ограничени остатоци, но сеуште изгледа величенствено и импозантно. Тука ги посетуваме и се воодушевуваме и на Библиотеката на Целзус, Големиот театар, Храмот на Адријан....
Продолжуваме со посета на Куќата на Богородица – едно од најважните места за посета од целиот христијански свет каде мајката божја ги проживеала последните 7 години од својот земен живот. Се верува дека живеела тука по прогоните од Ерусалим, а тука престојувал и апостолот Павле. Да се поклониш и да запалиш свеќа пред иконите – една за живите и една за покојните, духовно да се прочистиш, да се напиеш вода од лековитиот извор за здравје, љубов и среќа, да се полееш за најблиските и да врзете белешка со желба на Ѕидот на желбите… Одличен спој на античка приказна и архитектура.
Враќање кон хотелот. Слободно време за индивидуални активности. Ноќевање.
Петти ден: 09.03.2027 (вторник)
Појадок. Одјавување од хотел и трансфер кон аеродром. Полетување за Скопје во 16:35 часот. Пристигнување во Скопје во 15:50 часот локално време.
Цената на аранжманот вклучува:
Цената на аранжманот НЕ вклучува:
Напомени и услови:
Важат општите услови на патување на АТАМ
Термините во табелите се денови на започнување и на завршување на аранжманот.
За сигурна резервација се подразбира исклучиво уплата на 30% аконтација во моментот на потпишување на Договор за патување, и целосна уплата најдоцна 7 дена пред започнување на аранжманот.
Преземањето на собите започнува најрано во 14 часот по локално време првиот ден, а напуштањето на истите е најдоцна до 9 часот по локално време последниот ден од аранжманот. Ненавременото напуштање на собите може да биде причина за нарушување на одморот и комодитетот на клиентите кои треба да влезат во студијата/ апартманите во следниот термин.
Во собите е дозволено сместување на лица согласно со бројот на легла, т.е. исклучиво на лицата кои се наведени во ваучерот издаден од агенцијата. Во случај на сместување на повеќе лица од дозволеното, агенцијата или локалниот партнер на истата го задржуваат правото да не ги примат лицата кои не се наведени во ваучерот или за истите да побараат соодветен финансиски надомест.
За хигиената во собите во текот на престојот се грижат самите клиенти.
Сопствениците на објектите го задржуваат правото при евентуално направена-причинета штета да извршат наплата за истата од клиентите кои се сместени во моментот.
Туристичката агенција „СУПЕР ТРАВЕЛ“ има потпишано договори за фиксен (гарантиран) закуп на капацитетите наведени во оваа понуда.
Цените објавени во табелите се конечни, без скриени трошоци. Користењето на клима-уред, интернет е вклучено во цената.
Т.А. „СУПЕР ТРАВЕЛ“ не може да гарантира стабилност, брзина или коректност на интернет врската во кој-било објект од целата понуда
Агенцијата го задржува правото да објави дел од слободните (непродадени) капацитети на Last Minute понуда, претходно направените и потврдени резервации нема да подлежат на какви било промени во цената.
Пред тргнување, Ве молиме да ја проверите важноста на своите патни исправи и задолжително да обезбедите патничко-здравствено осигурување, недостаток на истите не е одговорност на вработените во т.а. „СУПЕР ТРАВЕЛ“ и на самата агенција.
За овој аранжман важат Општите услови за патување на СКТМ и „СУПЕР ТРАВЕЛ“.